الإسكندرية – مريم رفعت
دعا نيافة الأنبا يوأنس إلى تقديم الوجبات بأسعار رمزية داخل كانتينات الكنائس، مؤكدًا أن الهدف ليس تحقيق أرباح كبيرة، وإنما خدمة المواطنين وتخفيف الأعباء عنهم، وتشجيعهم على الاستفادة من الخدمات التي تقدمها الكنيسة.
وقال الأنبا يوأنس: «الكريب يبقى بـ10 جنيه، لكن يكون مليان فعلًا، مش صغير. يمكن حد يقول مفيش مكسب، لكن لما السعر يبقى مناسب والناس تشتري، الصندوق هيتملي في الآخر».
وأضاف أن الفكرة نفسها يتم تطبيقها داخل الدير، موضحًا: «إحنا بنبيع سندوتش الطعمية بجنيه، لأن عندنا دقيق مدعم برخصة رسمية، فالرغيف تكلفته قليلة، ومع شوية فول أو طعمية ممكن التكلفة تزيد حاجة بسيطة، لكن ربنا بيبارك في القليل».
وأشار إلى أن عددًا من الكنائس يطبق بالفعل هذه السياسة، قائلًا: «في كنائس الملاك ومار جرجس سندوتش الطعمية بـ2 جنيه أو جنيه ونص، وفي مار مرقس طلبت يفضل بـ2.5 جنيه وميرفعوش السعر».
وأكد الأنبا يوأنس أن تقديم الوجبات بأسعار مناسبة يُعد أحد أشكال الخدمة المجتمعية، مضيفًا: «لما تدعم الناس بحاجة بسيطة، ربنا يبارك، وفي الآخر هتلاقي صندوق الكنيسة اتملى أكتر من لو كنت بتبيع بأسعار عالية».
